சமூகப் பாதுகாப்பு குறித்த குறியீடு, 2020 (Code on Social Security, 2020) உருவாக்கம் :   ஆயுள் காப்பீடு, விபத்துக்காப்பீடு  மற்றும்  உடல்நலம் மற்றும் மகப்பேறு நலன்கள்,  முதியோர் பாதுகாப்பு போன்ற விஷயங்களில்  தொழிலாளர்கள் மற்றும் பிளாட்ஃபார்ம் தொழிலாளர்களுக்கு பொருத்தமான சமூகப் பாதுகாப்புத் திட்டங்களை உருவாக்குவதைக் கருத்தில் கொண்டு, சமூகப் பாதுகாப்பு குறித்த குறியீடு, 2020ஐ மத்திய அரசு உருவாக்கியுள்ளது. ஆனால், இந்த விதிகள் நடைமுறைக்கு வரவில்லை. 

இ-ஷ்ரம் போர்ட்டல் (e-Shram portal)  :     தொழிலாளர்கள் மற்றும் பிளாட்பார்ம் தொழிலாளர்கள் உட்பட அமைப்புசாரா தொழிலாளர்களின் விரிவான தேசிய தரவுத்தளத்தை உருவாக்குவதற்கும் இ-ஷ்ரம் போர்ட்டல் (e-Shram portal) -ஐ மத்திய அரசு  தொடங்கியுள்ளது. சுமார் 400 தொழில்களின் பட்டியலில் ஒரு நபர் தன்னை  பதிவுசெய்துகொள்ள இது அனுமதிக்கிறது. 

தொழில்துறை  உறவுகள் குறியீடு 2020 (Industrial Relations Code, 2020)  : சேவைத் துறை, உற்பத்தித் துறை மற்றும் சுரங்கத் துறைக்கான சேவை நிபந்தனைகள்  மற்றும் அதனுடன் தொடர்புடைய பிற விஷயங்களை வழங்குவதற்காக, மத்திய அரசு, தொழில்துறை  உறவுகள் குறியீடு 2020 (Industrial Relations Code, 2020) இன் கீழ் மூன்று வரைவு மாதிரி நிலை ஆணைகளை அதிகாரப்பூர்வ அரசிதழில் பங்குதாரர்களின் கருத்துகளுக்காக வெளியிட்டுள்ளது. 

பிரதான் மந்திரி ஷ்ரம் யோகி மான்-தன் (Pradhan Mantri Shram Yogi Maan-dhan (PM-SYM) scheme) : அமைப்புசாராத் துறை  தொழிலாளர்களுக்கு 60 வயதை அடைந்த பிறகு   மாதாந்திர உறுதிசெய்யப்பட்ட ஓய்வூதியமாக ரூ. 3000/-  வழங்கும் பிரதான் மந்திரி ஷ்ரம் யோகி மான்-தன் திட்டம்  2019 ஆம் ஆண்டில் தொடங்கப்பட்டது. இது ஒரு தன்னார்வ மற்றும் பங்களிப்பு ஓய்வூதியத் திட்டமாகும்.  18-40 வயதுக்குட்பட்ட தொழிலாளர்களின் மாத வருமானம் ரூ. 15,000/- அல்லது அதற்கும் குறைவானவர்கள் மற்றும் ஊழியர்களின் வருங்கால வைப்பு நிதி அமைப்பு/ஊழியர்களின் மாநில காப்பீட்டு நிறுவனம்/தேசிய ஓய்வூதிய அமைப்பு   ஆகியவற்றில் உறுப்பினராக இல்லாதவர்கள் இத்திட்டத்தில் சேர தகுதியுடையவர்கள்.  இந்த திட்டத்தின் கீழ், 50% மாதாந்திர பங்களிப்பு பயனாளியால் செலுத்தப்படுகிறது மற்றும் சமமான பங்களிப்பு  இந்திய அரசாங்கத்தால் செலுத்தப்படுகிறது.